Կրթություն Հայաստանում

Հայաստանը համարվում է նախկին Խորհրդային Միության ամենաառաջատար գիտական կենտրոններից մեկը: Երկրում 1960-ականներից առկա է կրթվածության 99 տոկոսանոց մակարդակ: Կիրառվող գիտություններից ֆիզիկան, մաթեմատիկան, քիմիան, միկրոկենսաբանությունը, ճարտարապետությունը եւ բժշկությունը Հայաստանի գիտական եւ կրթական հիմքի անկյունաքարն են: Այսօր, 3.2 միլիոն բնակչություն ունեցող Հայաստանի Հանրապետությունում կան 18 պետական համալսարաններ, որոնցից 8-ը միջազգային կառավարում ունեն, եւ ավելի քան 20 մասնավոր համալսարաններ: Հայաստանի շատ համալսարաններ ունեն հազարավոր օտարերկրացի ուսանողներ, դասախոսներ եւ ասպիրանտներ ամբողջ աշխարհից: Ստորեւ կարող եք գտնել պետական համալսարանների ցանկը իրենց հղումներով եւ կրթական ուղղությունների կարճ ներկայացմամբ: Ավելի մանրամասն տեղեկատվություն կարելի է գտնել ներկայացված համալսարանների համապատասխան կայքերը այցելելիս:

Երեւանի պետական համալսարան
	Հիմնվել է 1919թ.: Ֆակուլտետներ. պատմության, հայ բանասիրության, քիմիայի, ֆիզիկայի, տնտեսագիտության, մաթեմատիկայի, կենսաբանության, աշխարհագրության, երկրաբանության, իրավագիտության, ռուս բանասիրության, արեւելագիտության, լրագրության, փիլիսոփայության եւ հոգեբանության, ինֆորմատիկայի եւ կիրառական մաթեմատիկայի, ռադիոֆիզիկայի, սոցիոլոգիայի, մեխանիկայի, ռոմանո-գերմանական բանասիրության, միջազգային հարաբերությունների, աստվածաբանության: Ուսուցանման լեզուներ. հայերեն, ռուսերեն, անգլերեն: Կայք. www.ysu.am
Մխիթար Հերացու անվան Երեւանի պետական բժշկական համալսարան
	Հիմնվել է 1919թ.: Ֆակուլտետներ. ընդհանուր բժշկության, ատամնաբուժության, դեղագիտության, ռազմական բժշկական: Ուսուցանման լեզուներ. հայերեն, ռուսերեն, անգլերեն: Կայք. www.ysmu.am
Հայաստանի պետական ճարտարագիտական համալսարան
	Հիմնվել է 1933թ.: Դեպարտամենտներ. համակարգչային համակարգեր եւ ինֆորմատիկա, հանքային ինժեներիա եւ մետալուրգիա, կիբեռնեռիկա, մաթեմատիկա, մեքենաշինություն, մեխանիկա եւ մեքենագիտություն, ռադիո եւ տեղեկատվական համակարգեր, սոցիալ-քաղաքական դիսցիպլիններ եւ ընդհանուր տնտեսագիտություն, տրանսպորտային համակարգեր, քիմիական արդյունաբերություն եւ շրջակա միջավայր, էլեկտրական արդյունաբերություն, էներգետիկա, օտար լեզուներ: Կայք. www.seua.am/eng
Վալերի Բրյուսովի անվան Երեւանի պետական լեզվաբանական համալսարան
	Հիմնվել է 1935թ.: Ֆակուլտետներ. օտար լեզուներ (անգլերեն, ֆրանսերեն, գերմաներեն, իսպաներեն, իտալերեն, հունարեն պարսկերեն); ռուսերեն լեզու, գրականություն եւ օտար լեզուներ(անգլերեն, իսպաներեն, գերմաներեն, ֆրանսերեն); լեզվաբանություն եւ միջմշակութային համագործակցություն (ներառյալ հոգեբանություն, միջազգային տուրիզմ, միջազգային լրագրություն եւ քաղաքագիտություն): Ուսուցանման լեզուներ. հայերեն, ռուսերեն, անգլերեն եւ այլն: Կայք. www.brusov.am
Երեւանի պետական տնտեսագիտական ինստիտուտ
	Հիմնվել է 1975թ.: Ֆակուլտետներ. ընդհանուր տնտեսագիտություն, մենեջմենտ, ֆինանսներ եւ հաշվապահություն, առեւտուր եւ մարկետինգ, կիբերնետիկա: Ուսուցանման լեզուներ. հայերեն, ռուսերեն, անգլերեն: Կայք. www.ysine.am/eng
Ռուս-հայկական (սլավոնական) պետական համալսարան
	Հիմնվել է 1997թ.: Ֆակուլտետներ. Կիրառական մաթեմատիկա եւ ինֆորմատիկա, տնտեսագիտություն, քաղաքագիտություն, լրագրություն, սոցիալ-մշակութային սերվիս եւ տուրիզմ, կիրառական ֆիզիկա, իրավագիտություն, բժշկա-կենսաբանական, լեզվաբանության, հոգեբանություն, օտար լեզուներ: Ուսուցանման լեզու. ռուսերեն: Կայք. www.rau.am
Հայաստանում ֆրանսիական համալսարան
	Հիմնվել է 2003թ.: Ֆակուլտետներ. առեւտուր, մենեջմենթ, իրավագիտություն: Ուսուցանման լեզուներ. հայերեն, ֆրանսերեն: Կայք. ufar.am/U
Հայաստանի ամերիկյան համալսարան
	Հիմնվել է 1991: Ֆակուլտետներ. արդյունաբերական ճարտարագիտություն եւ համակարգային կառավարում, համակարգչային եւ ինֆորմագիտություն, առողջապահական գիտություններ, անգլերեն ծրագրեր, իրավագիտություն, բիզնես եւ մենեջմենթ, քաղաքագիտություն եւ միջազգային հարաբերություններ: Ուսուցանման լեզու. անգլերեն: Համալսարանը տալիս է միայն մագիստրոսի աստիճան եւ սերտիֆիկատային ծրագրեր: Ընդունվելու համար դիմորդները պետք է ունենան բակալավրի աստիճան: Կայք. www.aua.am

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր