Ուրուգվայում ՀՀ դեսպան Մարիամ Գևորգյանի հանդիպումը Fexpocruz-ի գլխավոր տնօրեն Ռաուլ Ստրաուսի հետ

10 նոյեմբերի, 2025

Նոյեմբերի 10-ին դեսպան Մարիամ Գևորգյանն այցելել է Fexpocruz և հանդիպում ունեցել գլխավոր տնօրեն Ռաուլ Ստրաուսի հետ, որի շրջանակներում քննարկվել են Հայաստանի և Բոլիվիայի միջև համագործակցության հնարավոր ոլորտներին վերաբերող թեմաներ՝ երկկողմ կապերի ամրապնդման և երկու երկրների միջև տնտեսական, առևտրային և մշակութային փոխանակումների խթանման նպատակով։

Fexpocruz-ը Բոլիվիայի տնտեսական մայրաքաղաք համարվող Սանտա Կրուսի Արդյունաբերության, առևտրի, ծառայությունների և զբոսաշրջության պալատի (CAINCO) և Արևելքի գյուղատնտեսական պալատի (CAO) կողմից ղեկավարվող հաստատություն է։ Այն ստեղծվել է 1962 թ. և այդ ժամանակվանից ի վեր կենտրոնացել է ձեռներեցներին, գործարարներին և այցելուներին միավորող քաղաքական, սոցիալական և տնտեսական բնույթի տոնավաճառների և միջոցառումների կազմակերպման վրա:

Fexpocruz-ը նաև հանդիսանում է Լատինական Ամերիկայի խոշորագույն ցուցահանդես-տոնավաճառներից մեկի՝ Expocruz-ի կազմակերպիչը, որը միավորում է տարբեր երկրների ընկերությունների, կազմակերպությունների և հաստատությունների ներկայացուցիչների՝ նպաստելով առևտրի, ներդրումների և միջազգային համագործակցության զարգացմանը: Expocruz-ը տարեկան ունենում է 500.000-ից ավելի այցելու:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր