Երևանի հիմնադրման 2806-ամյակին նվիրված ցուցահանդեսի բացում Կառասկո միջազգային օդանավակայանում

15 նոյեմբերի, 2024

Երևանի 2806-ամյակի շրջանակներում նոյեմբերի 15-ին Ուրուգվայի փոխնախագահ Բեատրիս Արխիմոնի, Ներկայացուցիչների պալատի նախագահ Անա Օլիվերայի, Մոնտեվիդեոյի քաղաքապետ Մաուրիսիո Սունինոյի, Ազգային պաշտպանության նախարարի տեղակալ Մարսելո Մոնտաների, բազմաթիվ օտարերկրյա դեսպանների, ԱՀ նախարարության աշխատակիցների և այլ բարձրաստիճան հյուրերի մասնակցությամբ Կառասկո միջազգային օդանավակայանում բացվեց ‹‹Երևան. հինավուրց և ժամանակակից›› խորագրով լուսանկարչական ցուցահանդեսը:

Բացման ելույթով հանդես եկավ Ուրուգվայում ՀՀ դեսպան Մարիամ Գևորգյանը՝ անդրադառնալով Երևանի հիմնադրման պատմությանն ու զբոսաշրջային գրավչություններին, ինչպես նաև շնորհակալություն հայտնելով Կառասկո օդանավակայանի տնօրինությանը՝ դեսպանության այս նախաձեռնությանն աջակցելու և այն հնարավոր դարձնելու համար:

Ելույթներով հանդես եկան և Երևանի մասին իրենց տպավորություններով կիսվեցին նաև Ներկայացուցիչների պալատի նախագահ Անա Օլիվերան և փոխնախագահ Պեդրո Խիսդոնյանը, որոնք այս տարի օգոստոս ամսին պաշտոնական այցով եղել էին Հայաստանում:

Ցուցահանդեսն օդանավակայանում ներկայացված կլինի մինչև դեկտեմբերի 25-ը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր