Ուրուգվայում ՀՀ դեսպան Մարիամ Գևորգյանի հանդիպումը Ուրուգվայի փոխնախագահ, Գլխավոր Ասամբլեայի և Սենատորների պալատի նախագահ Բեատրիս Արխիմոնի հետ

16 հոկտեմբերի, 2024

Հոկտեմբերի 16-ին դեսպան Մարիամ Գևորգյանը հանդիպում է ունեցել Ուրուգվայի փոխնախագահ, Գլխավոր Ասամբլեայի և Սենատորների պալատի նախագահ Բեատրիս Արխիմոնի հետ:

Զրուցակիցները համակարծիք են եղել, որ հայ-ուրուգվայական ավանդաբար ջերմ երկկողմ հարաբերությունները շարունակում են զարգանալ և ամրապնդվել և դրա ամենավառ ապացույցը Մոնտեվիդեոյում ՀՀ ռեզիդենտ դեսպանության բացումն է: Փոխնախագահ Արխիմոնը շեշտել, է, որ Ուրուգվայում միշտ առանձնահատուկ բարեկամական վերաբերմունք է եղել Հայաստանի հանդեպ և այս համատեքստում բարձր է գնահատել ուրուգվայահայ համայնքի դերակատարությունը: Բեատրիս Արխիմոնը պատրաստակամություն է հայտնել ներդնել առավելագույն ջանքերը՝ Հայաստանի հետ փոխադարձ հետաքրքրություն ներկայացնող բոլոր ոլորտներում արդյունավետ փոխգործակցությունն ամրապնդելու և երկկողմ համագործակցության նոր եզրեր բացահայտելու համար:

Հանդիպման շրջանակներում դեսպան Գևորգյանն Ուրուգվայի փոխնախագահին է ներկայացրել Հարավային Կովկասում անվտանգային իրավիճակը և մարտահրավերները:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր