Ուրուգվայի Արևելյան Հանրապետությունում Հայաստանի Հանրապետության դեսպան Մարիամ Գևորգյանն իր հավատարմագրերի պատճենն է հանձնել Ուրուգվայի արտաքին հարաբերությունների նախարար Օմար Պագանինիին

03 հուլիսի, 2024

Հուլիսի 3-ին Ուրուգվայի Արևելյան Հանրապետությունում Հայաստանի Հանրապետության դեսպան Մարիամ Գևորգյանը հանդիպում է ունեցել Ուրուգվայի արտաքին հարաբերությունների նախարար Օմար Պագանինիի հետ՝ հավատարմագրերի պատճենի հանձնման կապակցությամբ:

Շնորհավորելով պաշտոնի ստանձնման առթիվ՝ Ուրուգվայի ԱՀ նախարարը ՀՀ դեսպանին հաջողություններ է մաղթել իր առաքելության մեջ և վստահություն է հայտնել, որ Հայաստանի առաջին ռեզիդենտ դեսպանի հավատարմագրումը նոր էջ է բացելու հայ-ուրուգվայական երկկողմ հարաբերություններում՝ դրանց ավանդաբար բարեկամական բնույթին համապատասխան:

Կողմերը մտքեր են փոխանակել երկկողմ օրակարգի ծրագրերի շուրջ՝ համակարծիք լինելով, որ Ուրուգվայում ՀՀ ռեզիդենտ դեսպանության գործունեությունը և նրա ակտիվ ներգրավվածությունը երկրի հասարակական-քաղաքական կյանքում նոր հնարավորություններ են ընձեռելու փոխադարձ հետաքրքրություն ներկայացնող մի շարք ոլորտներում համագործակցության չբացահայտված ներուժը հայտնաբերելու համար:

Հանդիպման շրջանակներում ՀՀ դեսպանը Ուրուգվայի արտաքին քաղաքական գերատեսչության ղեկավարին ներկայացրել է տարածաշրջանային անվտանգային իրավիճակը և երկարատև խաղաղության հաստատմանն ու ենթակառուցվածքների ապաշրջափակմանն ուղղված Հայաստանի ջանքերն ու նախագծերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր