Դեսպան Մարիամ Գևորգյանն այցելել է Ասունսիոնի ազգային համալսարան և հանդիպում ունեցել համալսարանի ռեկտոր Սուլլի Կոնսեպսիոն Վերա դե Մոլինասի հետ

10 ապրիլի, 2026

Համատեղության կարգով Պարագվայի Հանրապետությունում ՀՀ դեսպան Մարիամ Գևորգյանն այցելել է Ասունսիոնի ազգային համալսարան և հանդիպում ունեցել համալսարանի ռեկտոր Սուլլի Կոնսեպսիոն Վերա դե Մոլինասի հետ։

Հանդիպման ընթացքում կողմերը մտքեր են փոխանակել երկու երկրների միջև ակադեմիական կապերի զարգացման և ինստիտուցիոնալ համագործակցության հեռանկարների շուրջ։

Մասնավորապես, քննարկվել են Ասունսիոնի ազգային համալսարանի և Հայաստանի առաջատար համալսարանների միջև կապերի հաստատման հնարավորությունները՝ համատեղ ծրագրերի խթանման, ինչպես նաև ուսանողների և դասախոսների փոխանակման նպատակով։

Ասունսիոնի ազգային համալսարանը Պարագվայի ամենախոշոր և ամենահին պետական համալսարանն է, հիմնադրվել է 1889 թվականին, ունի 14 ֆակուլտետ և շուրջ 55.000 ուսանող:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր