Դեսպան Մարիամ Գևորգյանը հանդիպել է Հանրապետության համալսարանի ռեկտոր Էկտոր Կանսելայի հետ

10 դեկտեմբերի, 2025

Դեկտեմբերի 10-ին դեսպան Մարիամ Գևորգյանը հանդիպում է ունեցել Հանրապետության համալսարանի ռեկտոր Էկտոր Կանսելայի հետ:

Զրուցակիցները կարևորել են Երևանի պետական համալսարանի և Հանրապետության համալսարանի միջև ստորագրված համաձայնագրի շրջանակներում ծավալվող երկկողմ կրթական համագործակցությունը, այդ թվում՝ Հանրապետության համալսարանի Օտար լեզուների կենտրոնում հայոց լեզվի և գրականության դասընթացի անցկացումը:

Դեսպան Գևորգյանն ու ռեկտոր Կանսելան մտքեր են փոխանակել նաև Հանրապետության համալսարանի և Հայաստանի բարձրագույն ուսումնական հաստատությունների միջև համագործակցության նոր ուղիների շուրջ:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր