Դեսպան Մարիամ Գևորգյանը հանդիպել է Ուրուգվայի Արտաքին հարաբերությունների նախարար Մարիո Լուբետկինի հետ

17 հուլիսի, 2025

Հուլիսի 17-ին Ուրուգվայում ՀՀ դեսպան Մարիամ Գևորգյանը հանդիպում է ունեցել Ուրուգվայի արտաքին հարաբերությունների նախարար Մարիո Լուբետկինի հետ:

Կողմերը քննարկել են երկկողմ հարաբերությունների զարգացմանն առնչվող հարցերի լայն շրջանակ, գոհունակությամբ արձանագրել վերջին ժամանակաշրջանում գրանցված դրական դինամիկան և ակտիվությունը, այդ թվում՝ ռեզիդենտ դեսպանությունների գործունեությունը, բարձրաստիճան փոխայցելությունները, կրթության և նորարարության ոլորտում սերտ համագործակցությունը:

Բարձր է գնահատվել երկու երկրների և ժողովուրդների միջև անխախտ բարեկամությունը և ուրուգվայահայ համայնքի դերակատարությունը երկկողմ կապերի ամրապնդման գործում:

ՀՀ դեսպանն Ուրուգվայի ԱՀ նախարարին ներկայացրել է Հայաստանի անվտանգային իրավիճակը և տարածաշրջանում երկարատև խաղաղության ու բարգավաճման հաստատմանն ուղղված ջանքերը:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր