Մոնտեվիդեոյի Նախակոլումբյան և բնիկ արվեստի թանգարանում՝ MAPI-ում, տեղի է ունեցել հայկական տարազների լուսանկարչական ցուցահանդեսի բացման արարողությունը

25 հունիսի, 2025

Հունիսի 25-ին Մոնտեվիդեոյի Նախակոլումբյան և բնիկ արվեստի թանգարանում՝ MAPI-ում, տեղի է ունեցել հայկական տարազների լուսանկարչական ցուցահանդեսի բացման արարողությունը: Ելույթներով են հանդես եկել դեսպան Մարիամ Գևորգյանն ու թանգարանի տնօրեն Ֆակունդո դե Ալմեիդան:

Դեսպան Գևորգյանն անդրադարձել է տարազի պատմությանը, նրա տարբեր տարրերի նշանակությանը և մեր օրերում տարազի կիրառման առանձնահատկություններին:

Թանգարանի տնօրեն Ֆակունդո դե Ալմեիդան նշել է, որ հայկական ազգային հագուստի ցուցահանդեսը հնարավորություն կընձեռի ավելին իմանալ Հայաստանի մասին՝ շեշտելով, որ Ուրուգվայը միշտ սերտ կապեր է ունեցել Հայաստանի և ուրուգվայահայ համայնքի հետ:

Միջոցառմանը ներկա են գտնվել մի շարք օտարերկրյա դեսպաններ, Արտաքին հարաբերությունների նախարարության բարձրաստիճան պաշտոնյաներ, խորհրդարանականներ, քաղաքական, հասարակական, մշակութային գործիչներ, հայ համայնքի ներկայացուցիչներ և այլոք:

Դեսպանությունն իր խորին երախտագիտությունն է հայտնում «Տերյան մշակութային կենտրոն»-ին՝ համագործակցության և ցուցահանդեսը հնարավոր դարձնելու համար:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր