Շառլ Ազնավուրի ծննդյան 100-ամյակին նվիրված համերգ Մոնտեվիդեոյում

10 դեկտեմբերի, 2024

Դեկտեմբերի 10-ին Մոնտեվիդեոյի «Սիտառոսա» համերգասրահում մենակատարներ Ինգա Արշակյանի և Գոռ Սուջյանի մասնակցությամբ տեղի ունեցավ Հայաստանի պետական ջազ նվագախմբի համերգը՝ նվիրված ֆրանսահայ աշխարհահռչակ շանսոնյե Շառլ Ազնավուրի ծննդյան 100-ամյակին: Համերգը կազմակերպել էր Ուրուգվայում Հայաստանի դեսպանությունը՝ Ֆրանսիայի դեսպանության հետ համագործակցությամբ և ՀՀ ԿԳՄՍ և ԱԳ նախարարությունների բարձր հովանու ներքո: Համերգային ծրագիրը ներառում էր Շառլ Ազնավուրի լավագույն ստեղծագործությունների նոր ջազային մշակումները:

Ողջույնի խոսքերով հանդես եկան Ուրուգվայում Հայաստանի դեսպան Մարիամ Գևորգյանն ու Ֆրանսիայի դեսպան Ժան-Պոլ Սեյտրեն: Համերգին ներկա էին մի շարք բարձրաստիճան հյուրեր, այդ թվում՝ Ուրուգվայի Ներկայացուցիչների պալատի նախագահ Անա Օլիվերան, բազմաթիվ օտարերկրյա դեսպաններ, ԱՀ նախարարության, Մոնտեվիդեոյի քաղաքապետարանի պաշտոնյաներ, խորհրդարանականներ, ինչպես նաև՝ ուրուգվայահայ համայնքի ներկայացուցիչներ և այլոք:

Համերգին հետևեց պաշտոնական ընդունելություն՝ հայկական ուտեստների և գինիների հյուրասիրությամբ:

Շառլ Ազնավուրի 100-ամյա հոբելյանն ընդգրկված է ՅՈՒՆԵՍԿՕ-ի՝ Հռչակավոր մարդկանց և կարևոր իրադարձությունների հոբելյանների 2024-2025թթ. օրացույցում:

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր